Maa mjhe apna purana ghr
Bahut yaad aata h

Bagaan me wo neem ka ped
Uspe rehne wali chidiya
Subah subah cheh chahti thi
Thodi aandhi aane pr,
Shakha shakha dol jati thi
Nibori itni meethi,
Aaj k anar b piche chod de
Aur wo anganat kahaniya
Jo maine kahi suni uske niche

Kachi meeti me kidio ne bill bnaya tha
Aur rasoi se dur rakhne tune haldi ko bil pe chidkaya tha
Kabhi kabhi aate jate, billi b susta k jati thi
Mere neem k ped pr puri duniya haq jatati thi

Phr ek din khelne saamp aya
Mjhe uska chalna khoob lubhaya
Haath milane bhaage hum
Piche se tune mjhe uthaya
mera khilona dar kr tujse, ped ki sharan me aya
Has k maine taali bjai
gum gya saamp, gum gya saamp kahani yahi batai

Agle din ka nazara kuch alag tha
4 log ped k ird gird mandra rahe the
Haaw bhav unke kuch galat bta rahe the

Aaj mai ek badi minar me rehta hu
Pr yaha wo chaaw kaha
Wo dost mere kahi piche choot gaye
Jindagi k kuch panne yu geele choot gaye

Maa mjhe apna purana ghr
Bahut yaad aata h...